Suchen
   CDs    downloads    songtexte
   inventur    GrandHotel    zwölf 91    ganz andersch    schwöschter    bünzli    langsam aber sicher

eifach glich
Text: booze
Musik: booze

bi momentan inere komische Phase
wo alles und jede a mir verbiilauft
kei Spur vo Punica Oase
bim Fettnapf bini dä wo na driilauft

egal wie ich wo was säge
es wird garantiert falsch verstande
wür meine, bi scho besser gläge
und das woni ha, chunnt mer no abhande

jetzt wo’s seisch, da merki’s au
das alles intressiert doch kei Sau

di ganzi Wält dräit sich und ich stah still
nur dräit sie sich ebe nöd um mich
nüt isch z‘wenig und alles isch z‘vill
und irgendwie isch mer eifach alles glich

am morge wäni uufwach gsehni nume 6ack
allerdings nöd uf em Buuch - näbed em Bett
ha mir jetzt Palmolive kauft mit “Fett weg“
fettlösend staht druff, en schlechte Gag

alles woni aapack isch wie e Drehtür
es gaht weder richtig zue no uuf
alles schmöckt nach Nature
cha no so Luft hole, ha nie gnueg Schnuuf

wenigstens schribt mir no s’Stüramt
so hani glich no bitzli Poscht
sie zeiged mir - ou verdammt
was de ganzi Leerlauf no choscht

jetzt wo’s seisch, da merki’s au
das alles intressiert doch kei Sau

di ganzi Wält dräit sich und ich stah still
nur dräit sie sich ebe nöd um mich
nüt isch z‘wenig und alles isch z‘vill
und irgendwie isch mer eifach alles glich


<< zurück


news
Das neue booze Album "INVENTUR" ...
Lange verschollen, endlich gefunden...
Fotoalbum Open Air Illnau