Suchen
   CDs    downloads    songtexte
   inventur    GrandHotel    zwölf 91    ganz andersch    schwöschter    bünzli    langsam aber sicher

ha mir mal Sorge gmacht
Text: booze
Musik: booze

früehner ha mer Sorge gmacht ob arm oder riich
nahdänkt wer was seit und was bedütet‘s für mich
ich chan eu säge, das isch es nöd wert
wenn d’Bible recht hät, dänn chunt de Tag
wo jede mues gradstah, egal i welere Lag
und so wie’s uusgseht, für mich wird’s härt

stahne am Galge, d’Schlinge um min Hals
ich bliibe ruhig und denke - hey was söll‘s

Mensche dräied dure, wo füehrt das hii
wett ich chönt weg, eifach ohni sii
ha mir mal Sorge gmacht, aber das isch verbii

känned ihr das Gfühl vo jetz oder nie
und “nie“ hani meistens zoge bim Lösli zieh
ha mir so unglaublich vill Sache vorgnoh
eimal um d’Welt oder elei uf d‘Bahamas
und sit 10 Jahr trägi die 2 gliche Pijamas
uf Züri a sones Fescht, das isch mal vorcho

vill Wasser lauft de Rhii durab und vill anders au
vilicht bini farbeblind, aber meistens isch es grau

Mensche dräied dure, wo füehrt das hii
wett ich chönt weg, eifach ohni sii
ha mir mal Sorge gmacht, aber das isch verbii

mit jedem Jahr woni älter wird
stiigt mini Chance, dasi einsam stirb
nöd dasi Angscht het nei, es isch eifach eso
und de Hunger und de Durscht uf dem Planet
überlahni jetz gern ame andere Prophet
vor luuter überlege hani Grindweh übercho

und falls öpper e Lösig hät zu dem ganze Plunder
so lönd‘s mi bitte wüsse, es nimmt mi wunder

Mensche dräied dure, wo füehrt das hii
wett ich chönt weg, eifach ohni sii
ha mir mal Sorge gmacht, aber das isch verbii


<< zurück


news
Das neue booze Album "INVENTUR" ...
Lange verschollen, endlich gefunden...
Fotoalbum Open Air Illnau