Suchen
   CDs    downloads    songtexte
   inventur    GrandHotel    zwölf 91    ganz andersch    schwöschter    bünzli    langsam aber sicher

mir sind e Band
Text: booze
Musik: booze

mir sind e Band wo's sit 20 Jahr git
mir sind e Band und mer nämed dich mit
mir sind e Band und no lang nöd quitt
mir sind e Band und halted dich fit
mir sind e Band uf me lange Ritt
mir sind e Band, nämed‘s Schritt für Schritt
mir sind die Band, wo seit Mitti isch Schitt
mir sind e Band und reised quer dur d‘Zyt

vo Helde gsunge, wo's nüme git
vom Noah und de Arche und z‘wenig Zyt
Tatsach isch, mer liebed Milch und Honig
aber en Hit oder Geld hämmer bis hüt nonig

langsam aber sicher ganz andersch wele sii
Gas gäh a Summeräbig, schön isch es gsii
viles isch es Wunder, viles hät en Bart
warum hockt en Gloon im Zug wo durefahrt

eis hämmer öppe gnah, bis zum dumme Grind
Wuet im Buuch, 7 Nächt, richtig dummi Chind
Albträum im Hinderland, und so isch es guet
s'letschte Kapitel isch für eus en alte Huet

glachet über d’Zyt, wo alles klar isch
Angscht übercho, dass Radiomusig wahr isch
de Zämehang gsuecht zwüsched morn und Manne
vo deet obenabe bis gnau da ane


<< zurück


news
Das neue booze Album "INVENTUR" ...
Lange verschollen, endlich gefunden...
Fotoalbum Open Air Illnau