Suchen
   CDs    downloads    songtexte
   inventur    GrandHotel    zwölf 91    ganz andersch    schwöschter    bünzli    langsam aber sicher

Hinderland
Text: booze
Musik: booze

© 2009 all rights reserved

es paar härre träffed sich regelmässig
da im sterne z’hinderland
und nüt mached’s susch eso zueverlässig
wie’s schnurre am flüssende band

da wird die wält no revolutioniert
ach wäred mer doch öfters debii
und chönntet erlebe wie ungeniert
mer feststellt: „ja aber dä hätt zapfe, dä wii“

si reded und reded vo tuusig sache
wiit übers ablaufdatum uus
mer meint mer mües über alles lache
oder lacht mer nur sich sälber uus?

si hueschted und paffed druflos
und trinked hinderländler, will dä isch billiger
d’bedienig isch nett und susch isch nüt los
mer raucht chrummi vo villiger

si flueched und sirached enttüscht
über alles und über jedä
und en blick i d’hosesäck zeigt sie mached nu d’füscht
me sött halt mache und nöd redä

alles isch schlächt, alles isch verloge
mer bschtellt nomal e rundi
d’asylante sind z’vill und d’goofe verzoge
und s’frolein wo bedient, die chäm schiins us burundi

und d’herre schwanked, und d’wampe schwankt mit
me seit sich „guet nacht mitenand“
wie überall susch wo’s no so herre git
wie die herre da vom sterne z’hinderland


<< zurück


news
Das neue booze Album "INVENTUR" ...
Lange verschollen, endlich gefunden...
Fotoalbum Open Air Illnau