Suchen
   CDs    downloads    songtexte
   inventur    GrandHotel    zwölf 91    ganz andersch    schwöschter    bünzli    langsam aber sicher

Winkelried
Text: Mäusli
Musik: Mäusli

© 2006 all rights reserved

es isch emal en maa gsii
hätt gläbt scho vill vill früener
mit chind und chegel ufmä hof
ringsum nur wald und hüener

s’läbe isch verschisse gsii
vermiest dur d’öschtriicher
hätt gchrüpplet, gchrampfet wienes tier
isch gliich nie worde riicher

und irgendwänn isch s’zwänzgi abe
er hätt gmerkt er mues sich wehre
hätt d’hellebarde gno und gseit
min bäse cha besser chehre

luzern hätt grüeft und er isch gange
im juli sächsedachzg
gäge sempach zoge voller blange
gsammlet eines nachts

dä leopold hätt gwartet
siegessicher, voller stolz
hätt grinsed und isch sicher gsii
metall siegt über holz

s’harschthorn hätt ganz disharmonisch
zum sturmagriff blase
d’schlacht hätt tobed und blüetet
mer hätt gmordet in ekstase

doch plötzli sinkt s’luzerner banner
es hätt schlächt uuusgseh im chrieg
zum glück händ mir dä nöldi ghaa
geborne winkelried

er packt 12 speer und wirft sich druff
seit sorged für frau und chind
d’genosse springed über ihn
gänd de stricher uf de grind

so hämmer dänn doch no gunne
dank em winkelried
schliessli isch kämpfe und nöd puure
oises fachgebiet

nidwaldner seg er gsii so schriibeds
en treue und en gsunde
aber öb er überhaupt je gläbt hätt
hätt mer nie usegfunde


<< zurück


news
Das neue booze Album "INVENTUR" ...
Lange verschollen, endlich gefunden...
Fotoalbum Open Air Illnau